ಬೀದರ ಜಿಲ್ಲೆಯ ಬಸವಕಲ್ಯಾಣ ತಾಲೂಕಿನ ತ್ರಿಪೂರಾಂತ ಗ್ರಾಮದ ಶ್ರೀ ಜಗದ್ಗುರು ಘನಲಿಂಗ ರುದ್ರಮುನಿ ಗವಿಮಠ, ಗುರುಸ್ಥಲ ಮಠವಾಗಿದ್ದು ಅದರಲ್ಲಿ ಗವಿಮಠವು ಪುತ್ರವರ್ಗದ ಮಠವಾಗಿದ್ದು ರಂಭಾಪುರಿ ಪೀಠದ ಶಾಖಾ ಮಠವಾಗಿದೆ. ಈ ಮಠಕ್ಕೆ ಪೂಜ್ಯಶ್ರೀ ಷ.ಬ್ರ. ಡಾ. ಅಭಿನವ ಘನಲಿಂಗ ರುದ್ರಮುನಿ ಶಿವಾಚಾಂರ್ದರನ್ನು ಚಿಕ್ಕ ವಯಸ್ಸಿನಲ್ಲಿಯೇ ಪೀಠಾಧಿಪತಿಯಾಗಿ ನೇಮಿಸಲಾಯಿತು.

ಇವರು, ಹಲವಾರು ಭಕ್ತಾದಿಗಳಿಗೆ ಒಳ್ಳೆಯ ಮಾರ್ಗ ದರ್ಶನ ನೀಡುತ್ತ, ವಿವಿಧ ಕಾರ್ಯಕ್ರಮದಲ್ಲಿ ಭಾಗವಹಿಸುತ್ತ ಬರುತ್ತಿದ್ದಾರೆ. ಇವರು ೧೯೮೬ ಸೆಪ್ಟೆಂಬರ್ ೨೮ ರಂದು ಚೆನ್ನಮ್ಮ, ರುದ್ರಮುನಿ ದಂಪತಿಗಳ ಉದರದಲ್ಲಿ ಜನಿಸಿದರು. ಇವರ ಜನ್ಮ ನಾಮ ಇವರಿಗೆ ದೀಪಯ್ಯ ಎಂದು ನಾಮಕರಣ ಮಾಡಲಾಯಿತು. ದೀಪಯ್ಯ ಅವರ ಪ್ರಾಥಮಿಕ ಶಿಕ್ಕಣ, ಕಲಬುರಗಿಯ ಮಹಾಜನ ಮಠದಲ್ಲಿ ಮುಗಿಸಿ, ಪ್ರೌಢ ಶಿಕ್ಷಣ " ಮಾಯಾ ಬಾಲ್ ವಿದ್ಯಾ ಮಂದಿರ” ಕಲಬುರಗಿ (ಗುಲಬರ್ಗಾ)ಯಲ್ಲಿ ವಿದ್ಯಾಭ್ಯಾಸ ಮಾಡಿದರು. ಘನಲಿಂಗ ರುದ್ರಮುನಿ ಗವಿ ಮಠಕ್ಕೆ “ಮರಿದೇವ ಗುಡ್ಡ"ಎಂತಲೂ ಕರೆಯುತ್ತಾರೆ. ಬಹುಶಃ ಮಠದ ಪರಂಪರೆಯಲ್ಲಿ ಮರಿದೇವರೆಂಬುವರು ಇದ್ದಿರಬೇಕೆಂದು ತಿಳಿಯುತ್ತದೆ. ಆದ್ದರಿಂದ ದಿನಾಂಕ: ೧೧-೦೯-೧೯೯೭ರಂದು ಸಾವಿರಾರು ಜನಸ್ತೋಮದಲ್ಲಿ ಶ್ರೀ ಮದ್ ರಂಭಾಪುರಿ, ಶ್ರೀಮದ್ ಕೇದಾರ ಜಗದ್ಗುರುಗಳ ನೇತೃತ್ವದಲ್ಲಿ, “ದೀಪಯ್ಯ” ಅವರಿಗೆ ಶ್ರೀ ಪಂಚಾಕ್ಷರಿ ಮರಿದೇವರೆಂದು ೧೧ನೇ ವಯಸ್ಸಿಗೆ ಮರು ನಾಮಕರಣ ಮಾಡಲಾಯಿತು.

ಮುಂದೆ ರಂಭಾಪುರಿ ಪೀಠದಲ್ಲಿ ವೈದಿಕ ಅಭ್ಯಾಸ ಮಾಡಲಾಯಿತು. ತದನಂತರ ಹೆಚ್ಚಿನ ವಿದ್ಯಾಭ್ಯಾಸಕ್ಕಾಗಿ ಹೊನ್ನಳಿಯ ಹಿರೇಕಲ್ಮಠದಲ್ಲಿ ಪಿ.ಯು.ಸಿ ಯಲ್ಲಿ ಪ್ರವೇಶ ಪಡೆದು ಸಂಸ್ಕೃತದಲ್ಲಿ ಕಾವ್ಯ ಮಾಡಿರುತ್ತಾರೆ. ನಂತರ ರಾಣೆಬೆನ್ನೂರಿನ ವಾಗೀಶ ಪಂಡಿತ ರಾಧ್ಯ ಧಾರ್ಮಿಕ ಪಾಠ ಶಾಲೆಯಲ್ಲಿ ಜೋತಿಷ್ಯ ಶಾಸ್ತ್ರ ಮಾಡಿ, ಮೈಸೂರಿನ ಜೆ.ಎಸ್.ಎಸ್. ಮಹಾವಿದ್ಯಾಲಯದಲ್ಲಿ ಬಿ.ಎ. ಪದವಿ ಪಡೆದಿರುತ್ತಾರೆ. ಹಾಗೆ ಮೈಸೂರುನಲ್ಲಿಯೇ ಸಂಸ್ಕೃತದಲ್ಲಿ ಸಾಹಿತ್ಯ ಅಭ್ಯಾಸ ಮಾಡಿದ್ದಾರೆ. ಹೀಗಾಗಿ ಶ್ರೀಗಳು ಶ್ರೀ ಭಾಷಾ ಜ್ಞಾನವನ್ನುಳ್ಳುವರಾಗಿದ್ದಾರೆ. ಒಮ್ಮೆ ಜಗದ್ಗುರುಗಳೇ ಫೋನ್ ಮಾಡಿ ಬರುವ ಸೆಪ್ಟೆಂಬರ್ ೨೮ರಂದು ನಾನು ಬರುವೆ ನಂದು ಸೂಚಿಸಿದರು. ದಿನಾ೦ಕ ಪ೦ಚಾಕ್ಷರಿ ಮರಿದೇವರು(ದೀಪಯ್ಯ)ನವರು ಹುಟ್ಟಿರುವ ದಿನಾಂಕವನ್ನೇ ನೇಮಿಸಿರುವದು ತಿಳಿದು ಎಲ್ಲರೂ ಆಶ್ಚರ್ಯಗೊಂಡರು. ಹೀಗಾಗಿ ಜನ್ಮದಿನದಂದೇ ಪಟ್ಟಾಭಿಷೇಕವಾದವರೆಂದರೆ ಮುಂದೆ ಈ ವ್ಯಕ್ತಿ ಮಹಾನ್ ವ್ಯಕ್ತಿ ಆಗಬಲ್ಲರೆಂಬ ಜನಾಭಿಪ್ರಾಯವಾಗಿದೆ. Read more